Шээс чавдагширах, тасалдах, давсаг орчмоор өвдөх шинж тэмдэгээр илэрдэг насан хүргэчидэд сүүлийн үед их элбэг тохиолдох болсон өвчний нэг бол түрүү булчирхайн үрэвсэл юм.
Сүүлийн үеийн судалгаагаар 30 наснаас дээш эрэгтэйчүүдэд элбэг тохиолддог болсон бөгөөд түүнээс урьдчилан сэргийлэхгүй бол эрт бэлгийн сулралд орох, шөнөдөө олон шээх, шээх үед давсгаар өвдөх зэрэг хүндрэлүүд бий болох аюултай билээ.
Агуулга
Түрүү булчирхай ямар үүрэгтэй вэ?
1. Үрийн шингэний боловсролтонд оролцдог.
2. Эр бэлгийн эсийн дааварыг ялгаруулдаг бөгөөд энэхүү даавар нь түрүү булчирхайн үйл ажиллагаа, бэлгийн дур хүсэл, эр бэлэг эрхтний хөвчрөлтийг хариуцдаг юм.
3. Түрүү булчирхай нь мэдрэлжүүлэлт маш сайтай байдаг бөгөөд энэ нь дур тавих үед өндөр мэдрэмж төрүүлдэг.
4. Бэлэг эрхтэн хөвчрөх үед давсагны амсрыг хааж өгдөг.
5. Бусад үүрэг
Түрүү булчирхайн үрэвслийн шинж тэмдэг
1. Шээс чавдагширах, тасалдаж нарийн гарна, дусагнана, давсагт шээс үлдсэн мэт санагдана.
2. Шөнө олон шээх, ойр ойрхон олон шээж болно.
3. Ууц нуруу, бөөр бэлхүүс, давсаг орчимоор шархирч хөшиж чилж өвдөнө.
4. Өвдөлт ахар сүүл, цавь, гуяны дотор талаар дамжина.
5. Бэлгийн чадавхи буурах, үрийн шингэний гаралт багасах, үрийн шингэн цустай гарах.
6. Шээс цустай гарах, шээсний өнгө тод шар болох, үнэр уур ихтэй, язмагтай болсон байна заримдаа цайвар шар өнгөтэй, үнэр уур багатай, дуслын хольцотой байна.
7. Дээрх зовиуруудаас 2-3 шинж тэмдэг илэрхэд л түрүү булчирхайн үрэвсэлтэй гэж тооцож болох бөгөөд та яаралтай нарийн мэргэжлийн эмчид хандах шаардлагатай.
Хэн түрүү булчирхайн үрэвсэл тусах магадлалтай вэ? Түрүү булчирхайн үрэвслийн шалтгаан
1. Доороосоо даарч жиндэх, хур бороонд норох
2. Хурьцал хэтрэх, дутах, буруудах
3. Бөөр, давсаг, бэлэг эрхтний бусад өвчнөөр өвдөх
4. 45 дээш насныхан элбэг тохиолдох хандлагатай.
Түрүү булчирхайн үрэвслээс урьдчилан сэргийлэх, эмчилгээ
1. Даарч жиндэхгүй байх, бороонд норохгүй байх
2. Замбараагүй бэлгийн харьцаанд орохгүй байх, эсвэл удаан хугацаанд бэлгийн харьцаанд орохгүй удаж болохгүй.
3. Бөөр, давсагны өвчнөөр өвдсөн тохиолдолд гүйцэд эмчлэх, эмчлэх.
4. Бэлгийн замын халдварт өвчин туссан тохиолдолд яаралтай эмчилгээ хийлгэх, дутуу орхиж болохгүй.
5. Дээрх шинж тэмдэгүүд илэрсэн тохиолдолд яаралтай нарийн мэргэжлийн эмчид хандах
