Байгалийн амин хүчил нь зөвхөн спортын практикт үр дүнтэй төдийгүй хүний биеийн бараг бүх өвчин, бодисын солилцооны эмгэгийг эмчлэх, урьдчилан сэргийлэх биологийн нэгдэл юм.
Гэхдээ санаж байх нь чухал: зөвхөн тунг зөв тооцоолох, хэрэглэх дүрмийг дагаж мөрдөх нь хүнсний нэмэлт тэжээл авах үр нөлөөг нэмэгдүүлэх болно. Гэхдээ, зөвхөн зохистой тунгаар зохистой хэрэглэсэн тохиолдолд үр дүнгээ өгдөг.
Амин хүчил – пептидийн гинжин хэлхээнд нэгдэж уураг үүсэхэд оролцдог органик бодис юм. Биеийн олон чухал үйл ажиллагаанд оролцдог.
Агуулга
Амин хүчлийн үүрэг
Амин хүчлүүд нь булчин, яс, шөрмөс, үе холбоос, үс, хумс, дотор эрхтэний уураг зэрэг бидний биеийн бүх уургын нийлэгжилтэнд оролцдог. Үндсэн 2 үүрэг гүйцэтгэнэ.
- Бүх даавар, фермент, нейротрансмиттер болон бусад биологийн идэвхт бодисыг нийлэгжүүлэх, дархлааны тогтолцооны эсүүд болон эсийн трансмембран зөөвөрлөгчийг бий болгох үндэс суурь болдог.
- Эсийн түвшинд явагдах исэлдэн-ангижрах урвал болон бусад биохимийн урвалууд амин хүчилгүйгээр явагдах боломжгүй байдаг.
Амин хүчлүүдийн эх үүсвэр:
- Хүнсний уураг
- Эд эсийн өөрийн уураг
- Нүүрс ус, өөх тосноос нийлэгжүүлэх юм.
Амин хүчлүүд нь өөх тос, глюкозоос ялгаатай нь бие махбодид нөөцлөгддөггүй тул амин хүчлийн дутагдал үүссэн үед булчин, элэг, цусны сийвэнгийн уураг задардаг. Тийм ч учраас уураг болон зарим амин хүчлийн дутагдал нь хүний эрүүл мэндэд маш аюултай.
Амин хүчлийн төрлүүд:
- Орлуулагдах
- Үл орлуулагдах
- Хэсэгчлэн орлуулагдах гэсэн төрлүүдтэй.
Орлуулагдах амин хүчил
Орлуулагдах амин хүчлийг бие махбодь өөрөө хоол хүнсэнд агуулагдаж буй амин хүчлээс эсвэл уурагаас ялгаж авч орлуулан нийлэгжүүлдэг. Мөн тэдгээрийг хүнсний нэмэлт тэжээлээс авах боломжтой.
Үл орлуулагдах амин хүчил
Үл орлуулагдах амин хүчлүүдийг биосинтезийн замаар нийлэгжүүлэх боломжгүй амин хүчлүүд тул хоол хүнсээр байнга уураг хэлбэрээр хэрэглэж байх ёстой.
Хэсэгчлэн орлуулагдах амин хүчил
Эдгээр амин хүчлүүд нь бие махбодид бусад амин хүчлүүдээс үүсдэг нэгдлүүд юм. Түүнчлэн янз бүрийн нөхцөлд, жишээлбэл, хүний хөгжлийн тодорхой үе шатанд шаардлагатай органик бодисууд юм.
Амин хүчлүүдийн зарим нь нярай үед, зарим нь насанд хүрэгчдэд үл орлуулагдах байдлаар байдаг гэж үздэг. Өөрөөр хэлбэл амин хүчлийн нийлэгжилт нь нас насанд өөр өөрөөр явагддаг гэсэн үг юм.
Амин хүчлийг хэрхэн сонгох вэ?
Ямар амин хүчлийг хэрхэн хэрэглэх вэ гэдгээс хамааран зорилго нь өөр өөр байна, жишээлбэл: жингээ хасах, бодисын солилцоог хэвийн болгох, булчингийн массыг нэмэгдүүлэх эсвэл эмчилгээний зорилгоор. Амин хүчлийг сонгохдоо тэдгээрийн дутагдал, амьдралын хэв маягийг анхаарч үзэх хэрэгтэй.
Хөдөлгөөний идэвхи багатай амьдралын хэв маягтай хүмүүс эмчилгээний зорилгоор л биш бол нэмэлтээр амин хүчлийг хэрэглэх шаардлагагүй байдаг. Спортоор хичээлэлдэг хүмүүс амин хүчлийг нэмэлтээр хэрэглэх хэрэгтэй байдгийн учир бэлтгэл сургуулилтыг үр дүнтэй хийх, булчингаа зөв хөгжүүлэхийн тулд тэдэнд нэмэлт энергийн эх үүсвэр шаардагддаг.
Эх сурвалж: https://rsport.ria.ru/20220524/aminokisloty-1790424053.html?ysclid=lbvml2i6h9291971405